"Реал"нинг ЕЧЛнинг чорак финали жавоб учрашувида "Вольфсбург"га қарши ўйинида, ҳисоб 3:0 бўлиб турган вақтда мезбонлар жамоаси бош мураббийи Зинедин Зидан қаттиқ эҳтиросларга берилди.

Ўйиннинг сўнгги қисмида мадридликлар ҳужумчиси Карим Бензема ўта қулай имкониятни йўққа чиқарди. Бу вақтда таблода порлаб турган 3:0 ҳисоби хавфли бўлиб, рақиб бир гол уриш орқали "Реал"нинг вазифасини қийинлаштириши мумкин эди. Бензема барчасини ҳал қила олмагач, Зидан ҳиссиётларига эрк берди ва шу аснода шимини йиртиб олди.