Мэрилин Монронинг машҳур кўйлаклари сотувга қўйилди

Маданият 14 Апрель 2016 1082

Ҳолливуд актрисаси Мэрилин Монронинг машҳур кўйлаклари сотувга қўйилди. Sky News нашрининг хабарига кўра, сўз актрисанинг дунёдаги энг катта шахсий коллекцияси ҳақида кетмоқда. Унинг баҳоси 3 миллион доллар деб эълон қилинган.

Масалан, Монронинг коллекциясида “Жазда фақат қизлар”, “Автобус бекати” ва “Шоу – бизнес каби бизнес бўлмайди” фильмларида кийган кўйлаклари, постерлари, тақинчоқлари ва шахсий буюмлари мавжуд.

Коллекциянинг савдоси билан Julien's Auctions аукционлар уйи шуғулланмоқда. Савдо 19 ноябрь куни Лос-Анжелес шаҳрида ўтказилади.
2011 йилда актрисанинг “Еттинчи йилдаги қичиш” фильмидаги кўйлаги 5,5 миллион долларга сотилган. Бу саҳна либоси учун рекорд бўлган.
2016 йилда Монро 90 ёшга кирган бўлар эди.

Кўпроқ янгиликлар