MINI ўз синфидаги энг калта седан яратмоқчи

Технология 14 Апрель 2016 683

MINI компанияси седан кузовида модель яратмоқчи. У бу синфдаги энг калта ва британ маркасининг янги услубиятида бажарилган, яъни жиддийроқ ва "мультфильмсимон" бўлмаган янги машиналаридан бири бўлади, деб хабар бермоқда Autocar нашри. Нашр янги машинанинг рендерини ҳам тайёрлади.

Бу маълумотнинг расмий тасдиғи мавжуд эмас. MINI’даги манбаларнинг айтишича, седаннинг ишлаб чиқарилиши ва янги кўринишга ўтиш маркани ривожлантиришнинг бир вариантларидан ҳисобланади. Компаниянинг янги моделларни ишлаб чиқариш бўйича режасига ҳаммаси бўлиб 5-6 та машина кирган.

Энди уч ва беш эшикли автомобилнинг янги авлоди, кабриолет ва Clubman универсали дебютидан кейин компания яна битта ёки иккита модель – янги авлоддаги Countryman йўлтанламаси ва седан намойиш қилиши қолди.

Янги седан MINI’нинг барча янги моделлари ва BMW’нинг олди приводли моделларида қўлланган UKL платформасида яратилади. Ғилдираклар базаси ўлчами ўтган йили чиққан Clubman универсалиники билан тахминан бир хил, яъни 2670 мм бўлади. Седаннинг узунлиги 4300 миллиметрни, яъни "Клабмэн"дан 47 мм га узонроқ бўлади.

Шу тариқа MINI седани Audi A3 ёки Mercedes-Benz CLA седанидан қисқароқ бўлиши мумкин. Британ маркасининг янги модели бу синфдаги энг калта седан бўлиши керак.

Тахминларча, седан Riley ёки Triumph номини олиши мумкин, бу номларга ҳуқуқ MINI эгаси BMW компаниясига тегишлидир. Шимолий Америка ва Хитой седан учун устувор бозорлар бўлади. Бироқ машина бутун дунё бўйлаб сотилади. Машина дебюти қачон бўлиб ўтиши номаълум қолмоқда.

Кун янгиликлари
China shashlik - тансиқ, бетакрор ва асосийси, ҳамёнбоп таомлар энди Чилонзорда!
21:29 / 26.07.2017 15291 Жамият
Ўқитувчилар мажбурий меҳнатга жалб этилиши факт. Барча сукут сақламоқда
21:00 / 26.07.2017 84996 Ўзбекистон
Миробод туманидаги қурилиш комиссия хулосасига кўра вақтинча тўхтатилди
12:23 / 26.07.2017 22234 Жамият
Оққон билан оғриган 5 ёшли бола тезкор ёрдамга муҳтож
17:52 / 24.07.2017 39212 Жамият
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 107298 Жамият
58 мисрлик полицияга ҳужум қилганлик учун умрбод қамоқ жазосига тортилди
23:25 92 Жаҳон
Wikileaks МРБнинг кибержосуслик воситалари ҳақидаги махфий ҳужжатларни чоп этди
23:21 237 Жаҳон
Facebook капиталлашуви биринчи марта 500 млрд доллардан ошди
Дайжест: Ўзбек самолётининг Нью-Йоркка илк парвози, Гейтснинг «қулаши», ДТМнинг инкори ва куннинг бошқа хабарлари
22:40 1947 Жаҳон
Оқ уй: 150 йил аввал маълумотлар сизиб чиқиши айбдорлари осилган бўларди
22:31 942 Жаҳон
Кўпроқ янгиликлар