ЮНИСЕФ болалар муҳофазаси учун янги дастур бўйича Ўзбекистонга 33 млн доллар ажратади

Ўзбекистон 15 Апрель 2016 713

БМТ Болалар жамғармаси (ЮНИСЕФ) ва Ўзбекистон Республикаси Ҳукумати 2016—2020 йилларга мўлжалланган янги ҳамкорлик дастурининг фаолият режаси (ҲДФР)ни имзолади. Имзолаш маросими 15 апрель куни Ташқи ишлар вазирлиги Маросимлар уйида бўлиб ўтди. Бу ҳақда ЮНИСЕФнинг Ўзбекистондаги ваколатхонаси матбуот хизмати хабар берган.

ҲДФР мамлакатдаги болалар ва оналар фаровонлигини ошириш ҳамда Барқарор Тараққиёт Мақсадларига, хусусан, бола саломатлиги, таълим ва болалар ҳимоясига қаратилган мақсадларга эришишда кўмаклашишдан иборат. ҲДФРни Ўзбекистон Ҳукумати номидан Бош вазир ўринбосари Адҳам Икромов имзолади. Маросимда Соғлиқни сақлаш вазири Анвар Алимов ва Халқ таълими вазири Улуғбек Иноятов иштирок этди.

Мазкур ҳужжат ЮНИСЕФ ҳамда бир қатор вазирликлар, бошқа давлат ва нодавлат ташкилотлари ўртасидаги интенсив маслаҳатлашувлар жараёнида тайёрланди. ҲДФР Ўзбекистонда болалар фаровонлиги билан боғлиқ бўлган сиёсат ва стратегияларга ҳамоҳанг бўлиб, БМТнинг Ўзбекистонда тараққиётга кўмак дастури ва 1994 йилда Ўзбекистон томонидан ратификасия қилинган Бола ҳуқуқлари тўғрисидаги конвенцияга мувофиқ равишда ишлаб чиқилган.

ЮНИСЕФ Ўзбекистонда янги ҲДФРни амалга ошириш учун кейинги беш йил мобайнида 33 миллион АҚШ доллари миқдоридаги маблағни инвестиция қилиш мажбуриятини олган.

Кун янгиликлари
Forta Business Education – тадбиркорлар учун энг зарур бизнес форум
12:46 2411 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
Фоторепортаж: Сурхондарёдаги чорак асрдан буён таъмирталаб йўл ҳақида
19:54 / 20.07.2017 35009 Ўзбекистон
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 44067 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 82491 Жамият
Дайжест: Туркиядаги зилзилалар, президентнинг навбатдаги сафари, қурол тўғрисидаги қонун муҳокамаси ва куннинг бошқа хабарлари
21:27 68 Жаҳон
Шимолий Кореяда 21 асрдаги энг катта қурғоқчилик, очлик таҳдиди пайдо бўлди
21:10 1192 Жаҳон
Эрдўған ГФР ҳукуматининг "қора рўйхат" ҳақидаги баёнотини инкор этди
21:00 327 Жаҳон
Гулистон тумани Ёшлар иттифоқи раиси сайланди
Тошкент вилояти маъмурий маркази хорижлик архитекторлар томонидан қурилади
Кўпроқ янгиликлар