Буюк Британияда қора мушукни ўттиз марта ўққа тутишди, аммо у мўъжиза туфайлигина тирик қолди, деб хабар бермоқда Sky News.

Уч ёшли Кис-Кис Ардлидаги уйидан апрель ойидан йўқолиб қолган эди. “Биз ўқ овозларини эшитдик, аммо бу Кис-Кис билан алоқаси борлигини билмаган эдик”, — деди мушукнинг эгаси Дуг Тоу.

Жониворни машина остидан топишди: у қўрқиб кетган ва ярадор эди. Тоунинг сўзларига кўра, Кис-Кис қочиб кетган ва уни бир ҳафта мобайнида учратишмаган. Сўнг у яна пайдо бўлган, унинг эгалари мушукни ушлаб, ветеринарга кўрсатишган.

Рентгендаги суратлар мушукни 30 марта отишганини кўрсатди. Ветеринарнинг айтишича, сочма ўқлардан иккитаси умуртқа ёнидан ўтиб кетган. Мушук мўъжиза туфайлигина тирик қолган.