Петербургда полиция севгилисининг қўлини болта ва гуллар билан сўраган кишини қўлга олди. Бу ҳақида "Фонтанка.ру" нашри хабар берди.
Маълум бўлишича, эркак 10 йилдан бери кўрмаган севгилисини қидириб кийим-кечак дўконига кирган ва шу ерда қизни топиб, қўлини сўрашга умид қилган.

"Дўконда нотаниш аёлни кўриб, ғазабга тўлади. Унга болта билан таҳдид солиб, севгилисига қўнғироқ қилишни талаб қилади. Зўравон киши севгилисининг телефон рақамини ёддан билар эди", — дейишди полицияда.

Полиция ходимлари воқеа содир бўлган жойга дарров етиб келишди. Эркак уларга ўзини Жоффрей деб таништирди, бироқ аслида Паша бўлиб чиқди.
Қиз билан боғланишга муваффақ бўлинди. У 10 йил аввал ўша эркак билан кўришганини, бир неча ҳафта илгари эса севги изҳор қилганини маълум қилди.