Глазгодаги «Ҳэмпден Парк» стадионида маҳаллий «Рейнжерс» жамоаси Шотландия Кубоги ярим финали доирасида «Селтик»ни қабул қилди. «Эски фирмалар дербиси» мақомини олган бу учрашув мезбонларнинг пенальтилар сериясидаги ғалабаси билан якунланди (2:2, пенальтилар бўйича 5:4).

Жамоалар бўлимлар бошида биттадан гол уришди. Ҳисоб «Селтик» ҳужумчиси Кенни Миллер томонидан 16-дақиқада очилган бўлса, «Рейнджерс» иккинчи таймнинг 4 дақиқаси ўтиб бораётган вақтда ҳисобни тенглаштирди. Гол Эрик Святченко ҳисобига ёзилди.

Шундан сўнг ҳакам жамоаларни қўшимча бўлимларга таклиф қилди. Қўшимча бўлимларда ҳам жамоалар биттадан гол уришди. Аввалига, 96-дақиқада мезбонлар таркибида Бэрри Маккэй рақиб дарвозасини ишғол қилган бўлса, 10 дақиқа ўтиб Том Рогич ҳисобни тенглаштирди.

Пенальтилар сериясида «Глазго» вакиллари омадли чиқишди ва 5:4 ҳисобида ғалаба қозониб, 2009 йилдан буён биринчи марта турнир финалига йўл олди.

Шотландия Кубоги финалида «Рейнжерс» «Хайберниан» билан ўйнайди. Бу жамоа ярим финалда «Данди Юнайтед»га қарши ўйнаган ва пенальтилар сериясидаги ғалаба орқали финалга чиққан (0:0, пенальтилар бўйича 4:2).

Эслатиб ўтамиз, «Глазго Рейнжерс» жорий мавсумда Шотлантдиянинг қуйи лигасида муддатидан олдин чемпион бўлди ва Шотландия Премьер-лигасига қайтди. Бир ҳафта олдин глазголиклар Шотландия лигаси Кубоги финалида «Питерҳед»ни 4:0 ҳисобида енгганди.

«Рейнжерс» 54 марта Шотландия чемпионлигига эришган.

Мамлакат тарихидаги энг совриндор жамоа бўлган «Рейнжерс» 2011/12 йиллар мавсумидан бери илк марта премьер-лигага қайтмоқда. 4 йил олдин Шотландия футбол ассоциацияси ва Шотландия премьер-лигаси қарорига кўра «Рейнжерс» молиявий муаммолар туфайли энг қуйи лигага тушириб юборилганди (даражаси бўйича тўртинчи лига).

Шотландия Кубоги. Ярим финал
«Глазго Рейнжерс» — «Селтик» - 2:2 (пенальтилар бўйича 5:4)