JV MAN Auto Uzbekistan компанияси ЕОИИ бозорларига чиқмоқда

Ўзбекистон 20 Апрель 2016 744

JV MAN Auto Uzbekistan Ўзбекистон-Германия қўшма корхонаси Евросиё иқтисодий иттифоқи (ЕОИИ) давлатлари учун юк самосваллари ишлаб чиқариш учун маъқуллаш сертификатини олди. Бу ҳақда uzdaily.uz нашри хабар бермоқда.

"Ўзстандарт" агентлиги маълумотларига кўра, Қозоғистон техник тартибга солиш ва метрология қўмитаси JV MAN Auto-Uzbekistan компаниясига катта юкли автотранспорт воситаларини (самосвал) серияли ишлаб чиқариш учун маъқуллов тақдим қилди.

Компания бу маъқулловни 3 йиллик муддатга олди. Бу ҳужжат қўшма корхонанинг ЕОИИ давлатлари бозорларига чиқишини таъминлайди.

Транспорт воситалари турини маъқуллашни тезлатиш ва ўз вақтида расмийлаштириш мақсадида компания аризаларига кўра, Қозоғистон томондан ЕОИИ ягона рўйхатида қайд қилинган сертификатлаштириш бўйича аккредитланган органлар ва синов лабораториялари рўйхати тақдим қилинди ҳамда Ўзбекистон ҳудудидаги синов полигонида синовларни ташкиллаштириш таклиф этилди.

Кўпроқ янгиликлар