«Барселона» жамоаси «Камп Ноу» стадионининг реконструкция қилиниши ва кейинги ҳолати тасвирланган видеотақдимотни ўтказди.

Стадионнинг янги дизайни билан Япониянинг NIKKEN SEKKEI + Joan Pascual i Ramon Ausió Arquitecte компанияси шуғулланади.

Жамоа раҳбарияти стадионни қайта таъмирлаш орқали унинг сиғимини 105 минг кишилик қилишни режалаштиришган. Бунинг учун 500 миллион фунт сарфланиши ҳисоблаб чиқилган.

«Барселона» жамоаси реконструкция ишлари жамоа ўйинлари ўтказилишига таъсир кўрсатмаслигини, ишлар параллел равишда олиб борилишини маълум қилган.

Реконструкция ишлари 2017 йилда бошланиши ва ишлар 2021-22 йиллар мавсуми арафасида тугалланиши режалаштирилган.