Обама ва Саудия қироли Эроннинг "иғвогар ҳаракатларини" муҳокама қилишди

Жаҳон 21 Апрель 2016 501

АҚШ президенти Барак Обама ва Саудия Арабистони қироли Салмон ибн Абдулазиз ал-Сауд Ар-Риёддаги учрашувда Саудия Арабистонининг минтақадаги асосий рақиби – Эроннинг "иғвогар ҳаракатларини" муҳокама қилишди. Бу ҳақда Оқ уй маълум қилди.

"Президент ва қирол Эроннинг минтақадаги иғвогар ҳаракатлари яратаётган таҳдидларни муҳокама қилишди ва минтақавий ихтилофларни бостириш мақсадида кенг ёндашув муҳимлиги фикрига келишди", дейилмоқда баёнотда.

Раҳбарлар, шунингдек, минтақанинг барча давлатлари учраётган сиёсий, иқтисодий ва ижтимоий қийинчиликларни муҳокама қилишди. Обама суҳбат чоғида инсон ҳуқуқларига амал қилиш масаласини кўтарди ва бу масаланинг АҚШ учун жуда муҳимлигини таъкидлаб ўтди.   

Кўпроқ янгиликлар