Хитойда 170 долларлик "iPhone қотили" намойиш қилинди

Технология 21 Апрель 2016 760

Хитойнинг LeEco компанияси Пекинда ўзининг Le 2 смартфонини намойиш қилди. Компаниянинг тасдиқлашича, смартфон ўзининг юқори техник кўрсаткичлари ва арзон нархи туфайли флагман смартфонларнинг "қотили"га айланади.

Тақдимотдаги кўплаб томошабинлар тақдимот бошловчиси аудитория билан мулоқот давомида ўзини Apple компанияси асосчиси Стив Жобс каби тутганини пайқашган. Бошловчининг нафақат смартфон ҳақида маълумот бериш услуби, балки кийиниш услуби ҳам Жобсникига ўхшаш бўлган: у Жобс ўз маҳсулотларини тақдим қилганда одатда киядиган жинси шим ва қора свитерда бўлган.

Телефон металл корпусдаги моноблок кўринишида бўлиб, 5,5 дюймли рамкасиз дисплейга эга. Смартфон яратувчисининг айтишича, смартфон юқори кўрсаткичларга эга арзон қурилма бўлади. Кўп жиҳатдан бу ғоя амалга ошган: смартфонда T880 график тезлаштиргичига эга 2,23 ГГц ли 10 ядроли Helio X20 процессори қўлланган. Телефон бу процессор қўлланган биринчи телефон бўлди.

Смартфоннинг ички хотираси ҳажми 32 Гб ни, тезкор хотираси ҳажми эса 3 Гб ни ташкил қилади. Батареялар сиғими 3000 миллиампер бўлиб, тез қувватлаш функциясига эга: ишлаб чиқарувчининг таъкидлашича, смартфоннинг тўлиқ қувватланиши учун 5 дақиқа кифоя қилади. Смартфон, шунингдек, 16 МП ли, 0,09 сонияли автофокуслашли асосий ва 8 Мп ли олд камера билан жиҳозланган. Смартфон 4G+ ва VoLTE алоқа форматларини қўллаб-қувватлайди. Телефон Type C чиқишига эга. Қурилманинг оғирлиги 153 граммни ташкил қилиб, iPhone 6S Plus’га нисбатан 39 граммга енгилроқдир.

Таъкидланишича, смартфон ишлаб чиқарувчи томонидан яратилган, рақамли мусиқани сифатни йўқотмаган ҳолда сиқиш учун мўлжалланган аудиокодекни қўллаб-қувватлайди. Қурилмада одатдаги 3,5 мм ли аудиоразъём бўлмаса-да, компания смартфонга Type C чиқишни қўллаб-қувватловчи рақамли қулоқчинларни таклиф қилди. Телефон Android Marshmallow 6.0.1. операцион тизимида ишлайди.

Смартфоннинг нархи 1100 юанни (170 доллар) ташил қилади. LeEco’нинг таъкидлашича, смартфоннинг нархи таннархидан ҳам камроқни ташкил қилади, бироқ компаниянинг бизнес модели қўшимча хизматлар, биринчи навбатда интернет-телевидение, мусиқа ва бошқа контентни сотишдан олинадиган даромадга асосланган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29723 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16096 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 64098 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56988 Жамият
Ғазабланган россиялик 46 минг рубллик қарзини копейкаларда тўлади
09:20 467 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 157 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 155 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 416 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 162 Жаҳон
McDonalds Ҳиндистондаги 170 га яқин ресторанини ёпади
08:57 1296 Жаҳон
Кўпроқ янгиликлар