NYT: АҚШ Россия сувости кемалари фаоллашганини қайд этмоқда

Жаҳон 22 Апрель 2016 506

Пентагон ва НАТО ҳарбийлари, рус ҳарбий сувости кемалари фаоллашаётганидан огоҳлантираяпти, деб ёзмоқда The New York Times нашри.

АҚШ ҳарбий денгиз кучларининг Европа ва Африкадаги бўлинмалари қўмондони адмирал Марк Фергюсоннинг маълум қилишича, рус кемаларининг патруллик қилиши охирги йилда қарийб 50 фоизга кўпайган.

Нашр ҳисоб-китобларига биноан, рус сувости кемалари сони Скандинавия, Шотландия, Ўрта ер денгизи ва Атлантика океани шимолий қисмида кўпроқдир. Бу ҳолат сўнгги 20 йиллар давомида илк бор кузатилмоқда.

NYT газетаси, Россия ҳарбий денгиз кучлари ихтиёрида, шовқинсиз ва яхши қуролланган янги русумдаги сувости кемалари пайдо бўлганини эътироф этиб, экипаж аъзоларининг маҳорати ҳам ўсганини таъкидлаган. Шунингдек, Россия ядро арсенали модернизация қилинмоқда, мамлакатнинг киберҳудуддаги имкониятлари тобора кенгайиб бормоқда.

«Биз буюк давлатлар рақобатлашувига қайтдик», — деган фикрни билдирган АҚШ ҲДК штаби раҳбари адмирал Жон Ричардсон. Шу муносабат билан, АҚШ мудофаа вазирлиги сувости флоти ва кемаларга қарши қуролларини молиялаштиришни кучайтириш ниятида.
Пентагон маъмурияти, "Виржиния" русумидаги 9та сувости кемасини харид қилиш учун 8,1 млрд. доллар ажратишни таклиф этмоқда. Уларнинг ҳар бири 40 та «Томагавк» ракетаси билан жиҳозланиши мумкин.

Бундан ташқари, Исландиядаги Кефлавик базасини модернизация қилиш учун 20 млн. доллар ажратиш режалаштирилмоқда. Шунингдек, Пентагон тадқиқотчилари, рус сувости кемаларининг шифрланган мулоқотини тутиш технологияси устида иш олиб бормоқдалар. Субмариналар ортидан кузатиб юрувчи экипажсиз овчи-кемалар синови ҳам поёнига етказилмоқда.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 98002 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 47235 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52123 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9508 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20290 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 1079 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 409 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 1645 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 2330 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 993 Жаҳон
Кўпроқ янгиликлар