Томчилатиб суғориш тизимлари божхона тўловларидан озод этилди

Ўзбекистон 22 Апрель 2016 2857

Ўзбекистон Республикаси ҳукумати мамлакатга олиб кирилаётган томчилатиб суғориш тизимларини божхона тўловларидан озод этиш муддатини узайтирди. Ҳукуматнинг 2016 йил 12 апрелдаги қарорига мувофиқ, бундай тизимларни хориждан сотиб олган фермерлар 2021 йил 1 январгача божхона имтиёзидан фойдаланишлари мумкин бўлади, деб ёзмоқда review.uz сайти.

Божхона имтиёзи, томчилатиб суғориш тизимларидан ташқари, мевали экинлар кўчатлари ва пайвандтагларга ҳам жорий этилади.

Республика қишлоқ ва сув хўжалиги вазирлиги маълумотларига кўра, Ўзбекистонда 18,5 минг гектар ерда томчилатиб суғориш тизимидан фойдаланилади, эгилувчан қувурлар билан эса 18,4 минг гектар ер суғорилади. Плёнкали суғориш усули 16,3 минг гектар ерда қўлланилади.

Молия вазирлигининг маълум қилишича, 2015 йили Республикада томчилатиб суғориш тизимини ривожлантириш мақсадида 200 млн. сўмдан кўп маблағ сарфланган.

Ўзбекистон Вазирлар Маҳкамасининг 2014 йил 19 апрелидаги "2013-2017 йилларда суғориладиган ерлар мелиоратив ҳолати ва сув ресурсларидан самарали фойдаланишни янада такомиллаштириш тўғрисида"ги Қарорига мувофиқ, 2018 йилгача томчилатиб суғориладиган ер майдони 25 минг гектарга етказилади.

2013 йил 1 майидан бошлаб, мева-сабзавот, узум ва полиз маҳсулотлари етиштириш мақсадида олинадиган ер ижара шартномасига томчилатиб суғориш ва суғоришда сувни тежовчи бошқа технологияларни жорий этиш бўйича мажбуриятларга оид банд ҳам киритилган.

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 47526 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7694 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18854 Ўзбекистон
Alibaba’нинг соф даромади икки маротабага ошди
Испаниядаги терактларда 34 мамлакат фуқароси ҳалок бўлди ва жабрланди
19:13 396 Жаҳон
Россиянинг собиқ президенти Ельцин юрган лимузин сотувга қўйилди
19:07 814 Жамият
Трамп ижтимоий тармоқдан кетса, Twitter 2 миллиард доллар зарар кўради
18:55 634 Жаҳон
Франция чемпионати ўйинлари бир дақиқа сукут сақлаш билан бошланади
18:50 595 Спорт
1 сентябрда Ерга улкан астероид яқинлашади 
18:45 2058 Жаҳон
Эрдўған ГФРдаги туркияликларни Меркель ва Шульцга овоз бермасликка чақирди
18:40 788 Жаҳон
Кўпроқ янгиликлар