Домодедово аэропорти ҳудудидан номаълум шахслар у ерда сақланаётган "Боинг-737" лайнерининг авиацион двигателини ўғирлаб кетишди.

«Трансфин-М» лизинг компанияси прокуратурага Домодедово аэропортидан "Боинг-737" лайнерининг двигатели ўғирлаб кетилгани тўғрисидаги хат билан мурожаат қилган. Номаълум шахслар у ердан 75 миллион рубль қийматга ва икки тоннадан ортиқ оғирликка эга қурилмани олиб чиқиб кетишган.

Берилган маълумотларга кўра, Домодедовода текширув ишлари амалга оширилмоқда, двигателнинг ўғирланиши билан боғлиқ ҳолат ва далиллар ўрганилмоқда.

"Боинг-737" самолётларида CFM56 туркумига кирувчи турбовентиляторли авиадвигателлар ишлатилади. Улар CFM International консорциуми томонидан ишлаб чиқарилади.

Бундан ташқари, бу типдаги двигателлар Airbus A320 ва A340 авиалайнерлари, шунингдек АҚШнинг ВВС самолётларининг баъзилари, хусусан KC-135R ёнилғи қуювчи самолётларга ҳам ўрнатилади.