22 апрель куни Россиянинг Ульяновск шаҳридаги «Волга-Спорт-Арена» муз саройида Бутунжаҳон бокс серияси (WSB)нинг VI мавсум чорак финалида дастлабки баҳсида Ўзбекистоннинг Uzbek Tigers боксчилари Россиянинг Russian Boxing Team жамоасига қарши жанг ўтказди. Чорак финалининг биринчи кунида Ўзбекистон вакиллари россиялик рақибларидан 3:2 ҳисобида устун келишди.

Учрашувнинг илк жангида (49 кггача вазн тоифаси) Ҳасанбой Дўсматов Батор Сагалуевдан кучлироқ эканини исботлади. — 50:45, 50:44, 50:45. 56 кггача тоифада рингга чиққан боксчи Муроджон Аҳмадалиев рақиби Абдулҳаким Батировнни — 49:46, 49:46, 49:46 ҳисобида мағлуб этди. Анвар Турапов (64кг) Авак Узлян устидан — 50:45, 49:46, 50:45 кўринишида ғалаба қозонди.

Куннинг қолган икки жангида Россия вакиллари ҳам рақибларини доғда қолдиришнинг уддасидан чиқишди. Александр Агафонов 75 килограммгача бўлган вазн тоифасида Бектемир Мелиқўзиевдан кучли эканини исботлади. — 50:45, 50:45, 50:45. Илья Квасников (91кггача вазн тоифаси) Рустам Тўлагановни — 47:47, 47:47, 48:46 ҳисобида мағлуб этди.

Ўзбекистоннинг Uzbek Tigers жамоаси гуруҳ босқичида D гуруҳида иккинчи ўринни олган эди.

Бутунжаҳон бокс сериясида бокс жамоалари учта Осиё, Европа ва Америка минтақалари бўйича ўзаро глобал мусобақалашади. Ҳар бир жамоага 5 нафардан боксчи киради ва улар бош ниқоби ва майкаларсиз рингга чиқишади.

Бугун, 23 апрель куни жамоалар ўртасидаги чорак финалдан ўрин олган иккинчи баҳслар бўлиб ўтади. Унда қуйидаги боксчилар жанг ўтказади.

Жанглар Тошкент вақти билан 20:00 да бошланиши режалаштирилган.