Муслимбек Йўлдошев марҳум ҳамкасбини таваллуд айёмида ёдга олди

Lifestyle 24 Апрель 2016 1760

Ўзбекистонда хизмат кўрсатган маданият ходими, Олий тоифали диктор Муслимбек Йўлдошев бугун, 24 апрель санаси куни таваллуд топган марҳум дўсти Абдумўмин Ўтбосаровни ёдга олди... 

Муслимбек Йўлдошев 1960 йилда туғилган ҳамкасби, Ўзбекистонда хизмат кўрсатган артист Абдумўмин Ўтбосаровни хотирлаб, у билан биргаликда тушган эсдалик суратини ўз “фейсбук”даги саҳифасида жойлаштирди. Сурат остига эса:

— 24 апрель Абдумўминнинг туғилган куни эди. Дўстим ҳаёт бўлганида, биз албатта Чорвоқда бўлар эдик. Туғилган кунини у ўша ерда, тоғлар қўйнида, дала ҳовлисида нишонларди. Ё қуёш чарақлаган ва ё ёмғир шивирлаган бўлишидан қатъи назар, биз анъанага содиқ қолишга ҳаракат қилар эдик. Ҳар қандай иш — буюртма чиппакка чиқар, бизларни ҳеч нарса дўстлар дийдорини кейинга суришга мажбур қилолмасди... Надоматлар бўлсинким, бу гал унинг туғилган кунини дўстимсиз ўтказамиз...Лекин, албатта, нишонлаймиз — дея дил сўзларини қайд этди.

Шу билан биргаликда Муслимбек Йўлдошев ҳамкасби учун тўртликлар битишни ҳам унутмади. Ушбу тўртликни ўз ҳолича эътиборингизга ҳавола этмоқдамиз.

Онамга куйдим - бу қадимий мерос,

Отамни кўрмадим, чидадим, Оллоҳ!

Жигарларим олдинг - сабрим беқиёс,

Дўстимни олувдинг, қилдим тавалло:

***

Оллоҳим, умримни узоқ қил энди,

Жииим юрай, дилимда тиловат, такбир.

Дўстим орзуларин қилгин шоҳиди,

Икки дўст умрини қил менга тақдир.

***

Айтмаган сўзларин олайин айтиб,

Тугатай битмаган бўлса ишлари.

Марҳамат сендадир, сендадир тартиб,

Доим бўлиб келган Раб хоҳишлари.

***

Оллоҳим, умримга бергин барокат,

Юборма фариштанг, қазойим тезлаб.

Дўст учун яшай мен, сақлаб садоқат,

Туғилган кунида ўлганин эслаб...

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 90155 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 44906 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 50538 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8875 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19719 Ўзбекистон
Шимолий Корея АҚШга беражак зарбаларини бир қатор сиёсий плакатларда тасвирлади
23:20 0 Жаҳон
Конте «Челси»га нима етишмаётгани ҳақида гапирди
22:59 510 Спорт
Шаҳзода Уильямнинг никоҳ тўйидаги тортнинг бир бўлаги сотувга қўйилди
22:52 840 Жамият
Видео: Дэвид Бекҳэм Pro Evolution Soccer 2018’да
22:47 599 Спорт
АҚШ ва Жанубий Корея август охирида ҳарбий машғулотлар ўктазади
22:35 451 Жаҳон
Кўпроқ янгиликлар