21:46 / 04.05.2016
7194

Apple kompaniyasi Apple Music’ni butunlay yangidan ishlab chiqishni rejalashtirmoqda

Apple kompaniyasi bir yil avval paydo bo‘lgan Apple Music xizmatiga qator radikal o‘zgarishlar kiritishni rejalashtirdi. Bu haqida Bloomberg nashri xabar beradi.

Birinchi navbatda, kompaniya dastur foydalanuvchilarga yanada tushunarliroq bo‘lishi uchun interfeysni yangilashga harakat qiladi. Bundan tashqari, onlayn-radio va oflayn tinglash uchun musiqalar yuklab olish ham ahamiyatli darajada ijobiy tomonga o‘zgaradi.

Yangilangan xizmatning taqdimoti iyun oyida tashkil etiladigan WWDC 2016 - Butunjahon dasturchilar anjumanida bo‘lib o‘tishi kutilmoqda. 

Hozirgi kunda dunyo bo‘ylab 11 millionga yaqin kishi Apple Music xizmatidan foydalanadi.

Mavzuga oid
Top