Жанговар самбо бўйича икки карра жаҳон чемпиони, айни вақтда енгил вазнда профессионал UFC (қоидасиз жанг) жангларида қатнашаётган Ҳабиб Нурмагомедов Рамазон ойида ҳеч қандай жанг ўтказмаслигини таъкидлади.

У айни вақтда профессионал UFC да 23та жанг ўтказган ва уларнинг барчасида ғалаба қозонган. Шундан саккизта жангда рақибларини нокаутга учратган. Ҳабиб айни вақтда жароҳати сабаб мусобақаларда қатнашгани йўқ. Шифокорлар унинг июнь ойида тикланишини таъкидлашган, лекин у бу вақтда жангга тушмоқчи эмас.

“Июнда жанг қилиш имконияти бор, лекин мен Рамазон ойи вақтида жанг қилмайман. Бу ой мен учун ҳар қандай мукофот ёки жангдан устун. Кўпи билан сентябрда спортга қайтаман”, дейди Нурмагомедов.

Ўткир Жалолхонов тайёрлади