Мадриднинг «Реал» клуби яримҳимоячиси Хамес Родригес барибир жамоани тарк этиши ойдинлашмоқда. 

«Қаймоқранглилар» жамоаси президенти Флорентино Перес футболчининг агенти Жорже Мендешга колумбиялик хавбек учун янги жамоа топиши мумкинлигини билдирган. 

El Confidencial нашри берган хабарга кўра, футболчига ҳозирда «Арсенал» ва «Манчестер Сити» жамоалари харидор бўлиб туришибди. Бироқ иккала клуб ҳам Хамесни сотиб олиш учун «Реал» сарфлаган 80 млн евродан анчагина камроқ миқдорда маблағ тўлаш ниятида.