Поветкин ва Уайлдер ўртасидаги бокс жанги бошқа санага кўчирилди

Спорт 16 Май 2016 4240

Россиялик боксчи Александр Поветкин ва WBC бўйича жаҳон чемпиони, америкалик Деонтей Уайлдер ўртасидаги жанг бошқа санага кўчирилди. Бу ҳақда спортчининг манфаатларини билдирувчи "Мир бокса" компанияси раҳбари Андрей Рябинский твиттерда маълум қилди.   

Аввалроқ россиялик боксчининг Уайлдер билан жанги олдидан олинган допинг намунасида тақиқланган мельдоний моддаси 70 нанограмм (0,07 микрограмм) миқдорда борлиги аниқланганди. Кейинроқ ESPN бундан аввал Поветкиннинг 7, 8 ва 11 апрелдаги намуналари тақиқланган модда борлигига қониқарсиз натижа бергани, қониқарли натижа берган намуна эса 27 апрелда топширилганини маълум қилганди. "Поветкин - Уайлдер жанги кўчирилди. Бўлади, бироқ бошқа санада", деб ёзди Рябинский.

"Биз эртага "Ренессанс Монарх" меҳмонхонасида соат 12 да матбуот-анжуманда барча журналистларни кутиб қоламиз ва у ерда мельдоний ва барчаси ҳақида маълумот берамиз", деб қўшимча қилди Рябинский.

Рябинский ТАСС ахборот агентлигига берган интервьюсида Поветкин четлатилмаслиги ва унинг америкалик боксчи билан жанги номаълум санага кўчирилганини маълум қилганди.

Рябинский, шунингдек, Поветкин жамоаси унинг допинг намунасида мельдоний аниқлангани ҳолати бўйича тафтиш ўтказишини маълум қилди. 

Жанг учун чиптани қайтармоқчи бўлган томошабинларга пуллари қайтарилади.

Жанг 21 майда Москвадаги "Мегаспорт" аренасида бўлиши керак эди. Рябинскийнинг айтишича, энди бокс кечасининг бош жанги 90,71 кг гача вазн тоифасида WBA бўйича жаҳон чемпиони, россиялик Денис Лебедев ва IBF бўйича жаҳон чемпиони, аргентиналик Виктор Эмилио Рамирес ўртасидаги жанг бўлади.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 19271 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 48787 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 22457 Ўзбекистон
Қозоғистонда ўзбек автомобиллари ишлаб чиқарилиши кенгайтирилиши мумкин
Лотин алифбосидан кимлар қўрқади?
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
Мустақиллик байрами Миллий боғда ўтказилмайди
Samsung Galaxy S9 cмартфони билан боғлиқ баъзи маълумотлар ошкор бўлди
2018 йил ҳосили учун август пиёзи ҳамда тўқсонбости усулида сабзавот экинларини жойлаштиришга доир қарор имзоланди
Полиция Барселона теракти ижрочиси йўқ қилинганини тасдиқлади
22:20 1153 Жаҳон
Кўпроқ янгиликлар