NVIDIA процессорлари асосида ихчам компьютерлар, видео карталар яратувчи Zotac International компанияси  янги ZBOX Mini PC миниатюра компьютерларини тақдим этди. Компьютер худди катта флешка шаклида бўлиб, унинг ичига икки қурилма жойлаштирилган: пассив совутиш тизимли PI221 ва фаол совутувчи PI220 (SmartFan вентилятори кўринишида).

Митти компьютерда Intel Atom x5-Z8300 (Cherry Trail) тўрт ядроли 14-нм процессори, 2 ГБли DDR3L-RS1600 оператив хотира, 32 ГБ флеш-карта, Ethernet (100 Мбит/с) порти, симсиз Wi-Fi (802.11ac) модули, Bluetooth 4.0, USB 3.0 ва HDMI улагичи ҳамда microSD карталари учун жой ўрнатилган. Янги қурилма Windows 10 Home операцион тизими бошқаруви остида ишлайди. ZBOX Mini PC компьютерининг нархи ва қачон сотувга чиқиши ҳозирча маълум эмас.