Google I/O анжуманида компания Android N операцион тизимининг янги  мобиль версиясидаги энг асосий янгиликларни эълон қилди. 

Қайта янгиланишдаги асосий эътибор хавфсизлик, самарадорлик ва ишлаб чиқаришни яхшилашга қаратилган. Шундай қилиб, прошивка кодини оптималлаштириш дастур ўрнатилишини 75 фоизга тезлаштиради. Шунингдек, қурилмани янгилаганда талаб қилинувчи «дастурларни оптималлаштириш» ғойиб бўлади. Иловалар фон режимида янгиланади ва дастурнинг янги версияси уни қайта бошлаш жараёнидан сўнг ишга тушади.  

Янгиланганда кўп вазифалар (multitasking) ойнасидаги барча дастурларнинг узоқ кутилган ёпиш тугмаси пайдо бўлади. Сўнгги иккита  жараён ўртасидаги боғлиқлик кўп вазифалар тугмаси орқали икки мартали тап (double-tap) билан амалга оширилади.

Компания бу сафар ҳам янгиланишда  уч ўлчамли янги авлод  мобиль ўйинларини ярата олувчи график API Vulcan жорий этилишини эслатиб ўтди. 

Open GL билан қиёслаганда Vulcan график чипда оғирликни камайтиради ва ўйинлардаги иш фаолиятини 30-60 фоизга ошира олади. 

Қисқа қилиб айтганда, Android N’да 250дан ортиқ ўзгариш ва такомиллашувлар жорий қилинади. 18 майда бошланувчи оммавий  бета-синовида қуйидаги қурилмаларга эга бўлган барча инсонлар иштирок этиши мумкин: Nexus 6, Nexus 9, Nexus 5X, Nexus 6P, Nexus Player, Pixel С, Android One. Бу тестга ушбу саҳифада рўйхатдан ўтиш мумкин.