Қуёш батареяларида ҳаракатланувчи Solar Impulse 2 учувчиси Оҳайо штатида самолётни қўндирди. Бу ҳақда лойиҳа твиттерида хабар қилинди. 

“Учувчи Андре Боршберг бортда ёқилғи бўлмаган ҳолда 17 соатлик парвоздан сўнг Дейтон шаҳрида самолётни қўндирди”, - дейилади хабарда. 

“Қуёш самолёти” учун Дейтонга қўнишни амалга ошириш рамзий аҳамиятга эга. Чунки айнан шу шаҳар инсоният тарихида илк аэроплан парвозини амалга оширган ака-ука Райтларнинг ватани ҳисобланади.