«Реал» жамоаси ҳужумчиси Криштиану Роналду Европа чемпионлар лигаси финали арафасидаги фикрларини билдириб ўтди.

«ЕЧЛ финалидаги ғалаба «Барселона»нинг «Олтин дубл»идан яхшироқ. Бу турнирда ғолиб бўлиш - орзу.

«Олтин бутса»? Албатта, мен бу совринга эга бўла олмаганимдан ранжидим, ахир мен жуда яқин келгандим. Луис Суарес бу совринга ҳақли равишда эришди, у ажойиб мавсум ўтказди.

Ўғлим «Барселона»га мухлислик қила бошласа бунга қандай муносабатда бўламанми? Бундай бўлмаслигига аминман, чунки унда менинг қоним оқмоқда.

Модомики шундай бўлса, мен буни қабул қиламан. Мен уни «Камп Ноу»га ўйинларни томоша қилиш учун олиб бормайман, лекин у ўзи борса бунинг учун жазоламайман, ахир у менинг ўғлим», – дейди Роналду.