Ўзбекистон терма жамоасининг Экватор Гвинеясига қарши ўртоқлик ўйини бекор қилинди

Спорт 31 Май 2016 11258

2 июнга белгиланган Ўзбекистон - Экватор Гвинеяcи халқаро ўртоқлик учрашуви бекор қилинди. Бу ташаббус Экватор Гвинеяси футбол федерацияси томонидан билдирилган.

Экватор Гвинеяси футбол федерацияси бош котиби Тадео Нсуе Онва имзолаган хатда айтилишича, Африка Конфедерациясининг йўриғига кўра Африка Миллатлар Кубогининг саралаши доирасида ўтказилиши керак бўлган Экватор Гвинеяси-Бенин ўйини 3 июнь куни ўтказилиши мумкин. Шу сабабли Экватор Гвинеяси Ўзбекистон терма жамоаси билан ўртоқлик учрашувини ўтказиш учун Тошкентга кела олмаслигини маълум қилган.

«Биз Ўзбекистон Футбол Федерациясидан узр сўраймиз ва ушбу ўйиннинг яқин вақт ичида ўтказилишига умид қилиб қоламиз», - деб якунланади Экватор Гвинеяси футбол федерацияси бош котибининг мактуби.

Ўзбекистон Футбол Федерацияси Ўзбекистон-Экватор Гвинеяси учрашувига сотилган чипталарни қайтариб олиш масъулиятини ўз бўйнига олади.

Мазкур ўйин учун 28 май куни чипталар сотилиши бошланган, чипталар нархи барча категориялар учун 15 минг сўм, CIP категория учун эса 30 минг сўм қилиб белгиланганди.

Қайд этиш жоиз, 13 май куни Ўзбекистон футбол федерацияси матбуот хизмати 2 июнь куни Тошкентдаги «Бунёдкор» стадионида Ўзбекистон миллий термаси Қирғизистонга қарши майдонга тушишини хабар қилганди. Аммо 21 май куни ЎФФ матбуот хизмати бу учрашув бекор қилинганини хабар берди.

Ўзбекистон миллий терма жамоаси 4 июнь куни Австрияга йиғин ўтказиш учун жўнаб кетиши режалаштирилган. 

7 июнь куни Канада миллий терма жамоасига қарши ўртоқлик учрашуви белгиланган. Ҳозирча бу учрашув бекор қилиниши эҳтимоли ҳақида хабарлар йўқ.

Эслатиб ўтамиз, Ўзбекистон терма жамоаси ЖЧ–2018 турнири 3-саралаш босқичидаги илк учрашувини шу йилнинг 1 сентябрь куни Тошкентда Сурия терма жамоасига қарши ўтказади.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31916 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69336 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9495 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131812 Жамият
Ҳиндистондаги темир йўл фалокати қурбонлари сони 20 кишига етди
21:58 17 Жаҳон
Испания Франция билан чегарасида назоратни кучайтиради
21:53 22 Жаҳон
АПЛ. «Ливерпуль» қийин ғалабани қўлга киритди, 
21:50 237 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 751 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 4384 Спорт
Кўпроқ янгиликлар