Италия терма жамоасининг мураббийлар штаби Европа Чемпионатида иштирок этадиган 23 футболчидан иборат якуний таркибни эълон қилди. 

Ушбу футболчилар мамлакат бош жамоасининг шаънини Евро-2016да ҳимоя қилишади.

Жакомо Бонавентура («Интер») ва Жоржиньо («Наполи») бош мураббий Конте томонидан таркибга киритилмаган. «Милан» ярим ҳимоячиси Риккардо Монтоливо жароҳати туфайли турнирни ўтказиб юборади.

Италия терма жамоаси 10 июнь куни старт оладиган турнирда Бельгия, Швеция ва Ирландия терма жамоаларига қарши ўйнайди.

Дарвозабонлар: Жанлуиджи Буффон («Ювентус»), Федерико Маркетти («Лацио»), Сальваторе Сиригу («ПСЖ»).

Ҳимоячилар: Жоржо Кьеллини, Андреа Бардзальи, Леонардо Бонуччи (барчаси — «Ювентус»), Анджело Огбонна («Вест Ҳэм»).

Ярим ҳимоячилар: Антонио Кандрева, Марко Пароло (иккиси – «Лацио»), Алессандро Флоренци, Даниэле де Росси, Стефан Эль-Шаъровий (барчаси — «Рома»), Маттиа Де Шильо («Милан»), Маттео Дармиан («Манчестер Юнайтед»), Тиаго Мотта («ПСЖ»), Стефано Стураро («Ювентус»), Федерико Бернардески («Фиорентина»), Эмануэле Жаккерини («Болонья»).

Ҳужумчилар: Симоне Дзадза («Ювентус»), Чиро Иммобиле («Торино»), Эдер («Интер»), Лоренцо Инсинье («Наполи»), Грациано Пелле («Саутҳемптон»).