«ПСЖ»ни эркин агент сифатида тарк этаётган Златан Ибраҳимович ўзининг француз футболидаги ўрни ҳақида гапириб ўтди.

Le Monde мухбири унга қуйидаги саволлар билан мурожаат қилган.

- Келинг аввало пул ҳақида гаплашамиз.

– Яхши. Ўйлайманки, пул барча ишларни ҳал қилади. Лекин бахт пулда эмас, буни одамлар тушуниши керак.

- 2015 йилги даромадингиз 20 миллион еврони ташкил қилган экан.

– Бор-йўғи шунча деб ўйлайсизми?

- Унда тахминан қанча бўлганди?...

– Сиз ярим йиллик маошим миқдорини айтдингиз.

- Жуда кўп пул ишлаб топган экансиз.

– «Жуда кўп» нима дегани? Мен бу сўзни тушунмайман. Нархлар бозорни белгилайди. «Кўп» ёки йўқ – бу менинг муаммоим эмас. Бозор айтди: «Бу сенинг нархинг». Агар бошқа футболчи 10 баробар яхши бўлса, 10 баробар кўп маош олади. Шундай ишланади.

- Бундай рақамдар одамларни шокка солиши мумкинлигини тушунасизми? Айниқса иқтисодий инқироз даврида.

– Сиз биласизми, мен қанча маош тўлайман?

- Йўқ, айтингчи?

– Бир сўз билан айтганда, мен мамлакатга президент Франсуа Олланддан кўпроқ ёрдам бераман.

– Ахир 75 фоизлик даромад солиғи кун тартибидан олиб ташланганку?

– Окей. Сиз буни аниқ биласизми? Мен эса тўлашда давом этмоқдаман. Мен солиқ идораларига каттагина пул тушириб бераман.

- Франция ҳақида гапириб беринг.

– Ибра келди ва асосий қаҳрамонга айланди.

- Яна нимадир қўшимча қилингчи?

– Йўқ, шу гапим кифоя.

- Французлар 2015 йил мартида сиз бу мамлакатни ҳақорат қилганингизда шокка тушиб қолганди.

– Ахир гап футбол ҳақида эди. Бу Францияга алоқадор эмасди. Бу иккиси алоҳида нарсалар. Мен хато гапиргандим, лекин бу мамлакатга эмас, футболга тааллуқли гап эди. Ахир 4 йил яшаган юртинг ҳақида ёмон гап айтиш мумкинми? Агар бу ерда яшаш ёқмаганида аввалроқ кетган бўлардим» – дейди Ибраҳимович.