Туркия ҳукумати Истанбулдаги Отатурк аэропортидаги терактни хорижликлар амалга оширганини гумон қилмоқда. Бу ҳақида Cumhuriyet газетаси хабар қилди. 

Манбага кўра, терактни амалга оширган террорчиларнинг жасади қолдиқлари ўрганиб чиқилмоқда. Шунга қарамай, уларнинг шахси хали аниқланмаган. 

Халқаро муносабатлар бўйича Федерация Кенгаши қўмитаси раҳбари Константин Косачев бироз аввал Истанбул аэропртидаги теракт Туркия ҳукуматининг Россия ва Исроил билан алоқаларини тиклаш ҳаракатларига қарши йўналтирилганини маълум қилди. 

28 юнь куни Истанбулдаги Отатурк аэропортида террорчилар томонидан учта портлаш содир этилди. Сўнгги маълумотларга кўра, теракт натижасида 43 нафар киши ҳалок бўлган ва яна кўплаб одамлар турли тан жароҳатлари олишган.