Хорватия Сербия билан чегарадош Батина ўтиш йўлагига тўсиқ қўйди. Бу ҳақда Хорватия ИИВ хабар бермоқда.

"Хорватия Республикасига Батина ўтиш йўлагидан ноқонуний ўтиш эҳтимолининг олдини олиш мақсадида у ерда техник тўсиқлар ўрнатилди. Шу билан бирга хавфсизлик нуқтаи назаридан кўприк бутунлай ёпилиши ҳам мумкин. Айни дамда қайд этилган ҳудудларга ҳеч нима хавф солмаяпти”, - дейилади Хорвати ИИВ берган маълумотда.

Сербия ИИВнинг маълум қилишича, мамлакат Хорватия томонининг ушбу ҳаракати ҳақида олдиндан огоҳлантирилмаган ва бунинг сабаби тушунтирилмаган. 
"Айни дамда Бездан - Батина чегара йўлаги автомобиль ва юк ҳаракатлари учун очиқ турибди”, - деб маълум қилган Сербия ИИВ.