Сербия ТИВ ўз фуқароларига Туркияга бормасликни тавсия этмоқда. Бу ҳақда 22 июль куни Белградда ҳукуматнинг биринчи вице-президенти ва ташкилот раҳбари Ивица Дачич маълум қилган.

Туркияда содир бўлган ғалаёнлар сабаб Сербия мазкур қарорга келган. Ҳукуматнинг таъкидлашича, у “Туркиядаги фуқаролари хавфсизлигига кафолат бермайди”.

"Биз аввалгидек ўз фуқароларимизга Туркияга бормасликларини тавсия қиламиз. Агар боришга аҳд қилишган бўлса, унда зарур хавфсизлик чораларини кўришларини сўраймиз. Жамоатчилик жойларидан узоқроқ юришлари, доим ёнларида паспорт бўлиши керак. Зарур ҳолларда Туркиядаги консуллигимизга мурожаат қилишлари мумкин бўлади", — деб Дачичнинг сўзларидан иқтибос келтириб ўтган Сербия радио ва телевидениеси.