Миллиардер Дональд Трамп расман Республикачилар партиясидан АҚШ президентлигига номзод бўлишга розилик билдирди, дея хабар қилмоқда Fox News.

«Мен розилик ва ташаккур билан Қўшма Штатлар президентлиги учун менинг номзодимни илгари сурганингизни қабул қиламан», — деб мурожаат қилган Трамп сафдошларига партиянинг Кливленд шаҳрида бўлиб ўтаётган съездида. 

Қайд этиш жоизки, Трампнинг съездда қилиши лозим бўлган маърузаси ОАВ ихтиёрига аввалроқ келиб тушгани боис, уни Politico ва The New York Times нашрлари чоп этишга улгурган. 

Трампнинг айтишича, мамлакат жиноятлар ва зўравонликларга дуч келаётган бир вақтда, сиёсий жиҳатдан босиқ бўлиш жуда қийин. У шунингдек, 2017 йили январидан хавфсизлик тикланишига ваъда берди. 

Бундан ташқари, миллиардер мамлакат ташқи сиёсатининг барбод бўлишида президент Барак Обама ва Демократик партиядан президентлик учун номзодлардан бири Ҳиллари Клинтонни айблаган. Шу билан бирга, собиқ давлат котибасининг электрон почтаси билан боғлиқ машмашани яна бир бор ёдга олди. 

Аввалрқ, Техас штати сенатори Тед Круз, Республикачилар съездида чиқиш қилиб, ўзининг Трампни қўллаб-қувватлашдан бош тортганига изоҳ берган эди.