Suriya HHK samolyoti IShID jangarilari tomonidan urib tushirildi

IShID jangarilari Hama viloyati hududida Suriya Harbiy havo kuchlari samolyotini urib tushirgan. Bu haqda Qatardagi Al Jazeera telekanalida xabar tarqatilgan.

Samolyot Hama viloyati markazidan sharqdagi hududda (Damashqdan 220 km masofada), Salmiya tumanida qulagan. Uchuvchining taqdiri haqida aniq ma'lumot yo‘q. Telekanal ma'lumotiga ko‘ra, samolyot yerdagi zenit raketalari otuvchi artilleriya vositasi orqali urib tushirilgan.

13 mart kuni Hama hududida Suriya hukumatini yana bir harbiy samolyoti urib tushirilgandi.

Salmiyada hukumat armiyasi bo‘limlari joylashtirilgan. IShID jangarilari shu vaqtgacha bir necha marta bu shaharni egallab olishga harakat qildi. Lekin harbiylar hujumlarni muvaffaqiyat bilan qaytarib kelishmoqda.