АҚШнинг Демократик партиясининг Филадельфия шаҳрида бўлиб ўтаётган умуммиллий съездида маъруза қилган Мишель Обама, Дональд Трампнинг исмини тилга олмаган ҳолда унга нисбатан энг жиддий тандиқий маъруза қилди. У,  шунингдек, собиқ давлат котиби Ҳиллари Клинтон номзодини қўллаб-қувватлашини билдирган. 

Бундан ташқари, биринчи хоним шубҳасиз "Америка ҳамон буюк давлат" эканини таъкидлаган. Унинг бу сўзлари, президентлик учун курашаётган Дональд Трампнинг "Американи яна буюк қиламиз" номли сайловолди шиорига жавоб бўлган. Америкалик сиёсатчилар, айнан Мишель Обама томонидан Трампнинг сўзлари рад этилиши муҳим аҳамиятга эгалигини таъкидлашган. 

Экспертлар, бир овоздан Мишель Обаманинг 15 дақиқалик маърузасини кучли, ҳиссиётларга бой ва энг "жиддий аксилтрамп маъруза" дея баҳолашди.