Термизда салбий экологик оқибатларнинг олдини олишда давлат экологик экспертизасини ўтказиш самаралари мавзусида давра суҳбати ўтказилди. Бу ҳақда ЎзА хабар бермоқда.

Жорий йилнинг ўтган даврида Сурхондарё вилояти давлат экологик экспертизасига 860 лойиҳа тақдим этилди. Улардан 761 тасига ижобий хулоса берилди. 98 тасига қайта ишлаб чиқиш, жой рельефига тўғри келмагани боис битта объектнинг баҳолаш лойиҳасини амалга оширмаслик тавсия этилди.

Тадбирда мўлжалланаётган хўжалик ва бошқа турдаги фаолиятни амалга оширишдан олдин фаолиятнинг экологик талабларга мувофиқлигини аниқлашнинг аҳамияти, лойиҳаларни давлат экологик экспертизасидан ўтказишда объектларнинг санитария ҳимоя зонасини ўрнатиш, “Муҳофаза этиладиган табиий ҳудуд” мақомига эга ҳудудлардаги субъектлар томонидан тегишли махсус талабларга риоя этилишини таъминлаш, атмосфера ҳавосини ифлослантирувчи моддаларнинг меъёрдан ортиқ ташланишига йўл қўймаслик, ишлаб чиқариш ва истеъмол чиқиндиларини утилизация қилиш масалалари юзасидан фикр алмашилди.