Ёзувчи Жоан Роулингнинг сеҳргар Гарри Поттер ҳақидаги 8-китоби сотувга чиқарилди, деб хабар бермоқда ТАСС ахборот агентлиги. Савдолар 31 июлда бутун сайёра бўйлаб маҳаллий вақт билан яримтунда бошланган.   

Британиянинг Waterstones китоб тармоғининг 140 дўконида янги китобнинг премьераси муносабати билан турли танловлар билан махсус кечалар бўлиб ўтди. Китобнинг чиқарилиши айниқса Лондон, Эдинбург ва Манчестер дўконларида катта тантана билан нишонланди. 
 
Янги китобнинг номи "Гарри Поттер ва ланъатланган фарзанд" деб аталади.

31 июлда Лондондаги Palace театрида янги китоб бўйича саҳналаштирилган спектаклнинг премьераси ўтгани маълум қилинганди. Спектакль сценарийсини Роулинг китоби асосида драматург Жек Торн ёзган, Жон Тиффани режиссёрлик қилган. Спектакль икки қисмдан иборат бўлиб, 5 соатга яқин давом этган.