АҚШ президентлигига Республикачилар партиясидан номзод Дональд Трамп ўз рақиби демократ Ҳиллари Клинтонни яна бир бор ИШИДни ташкил қилишда айблади. Трампнинг таъкидлашича, АҚШ президенти Барак Обама Клинтонни давлат котиби этиб тайинлаганидан "афсусланиши" керак. Ҳиллари Клинтон ушбу лавозимда 2009-2013 йиллар фаолият юритган.

«Клинтон олиб борган сиёсат ИШИДни юзага келтирган», - дея Трампнинг сўзларидан иқтибос келтирган ТАСС агентлиги.  

Миллиардернинг айтишича, собиқ давлат котибининг Яқин Шарқда олиб борган сиёсати у ерда турли гуруҳларнинг вужудга келишига сабаб бўлган.

«Ҳиллари Клинтон ИШИД томонидан мукофотланмоғи даркор», - дея қўшимча қилган миллиардер.