"Омаис" деб номланган кучли тўфон Япониянинг жануби-ғарбий қисмига яқинлашмоқда. У ўзи билан кучли шамол ва жала олиб келади.

Япония бош метеорология агентлиги берган маълумотига кўра, циклон марказидаги шамол тезлиги сониясига 30 метрни ташкил этади. Кейинчалик у сониясига 45 метрга кучайиши мумкин.

Тўфон айни дамда шимоли-ғарб йўналиши бўйлаб соатига 20 км тезлик билан ҳаракатланмоқда. Метеорология агентлигининг таъкидлашича, тўфон 9 август куни Япониянинг Хонсю оролига етиб келади. Сўнгра Хоккайдо ороли сари ҳаракатланади.

Мутахассислар маҳаллий аҳолини баланд тўлқинлар сабаб денгизга яқин бормасликка ва кучли жала туфайли кўчкилар бўлиши ҳақида огоҳлантирган.