Rossiya mudofaa vaziri Sergey Shoyguning bayonot berishicha, Rossiya va AQSh Halabdagi jangarilarga qarshi birgalikda kurashishga tayyor turibdi, deb xabar qilmoqda «Vesti.Ru».
«Biz qadam-baqadam, men hozir faqat Halab haqida gapirayapman, ushbu jafokash mintaqada nihoyat barcha o‘z uylariga qaytishlariga imkon beruvchi tinchlik qaror topishi uchun birgalikda kurashishga yaqinlashmoqdamiz», — degan Shoygu.
Avvalroq, Rossiya TIV rahbari Sergey Lavrov, Halabdagi vaziyatni barqarorlashtirish uchun AQSh va G‘arb bilan hamkorlik qilishga umid qilishini bildirgan edi.