Shimoliy Koreyada televideniye tomosha qilish uchun IPTV texnologiyasiga o‘xshash qurilma sinovdan o‘tkazildi. Bu haqda «Renxap» agentligi xabar bermoqda.
KXDR markaziy televideniyesi «Manban» deb nomlangan IPTV dasturini 15 daqiqa namoyish etgan. U telefon liniyasi va modem orqali ishlaydi.
Shimoliy Koreyaning IP-televideniyesi tyuner qutisi o‘rnatishni va HDMI ulagichi orqali ishlatishni tavsiya etmoqda. Foydalanuvchi ekran orqali markaziy, shuningdek, sport va jonli translatsiyalarni tomosha qilishi mumkin bo‘ladi. Agentlikning yozishicha, «Manban» gazeta va yangiliklar o‘qish imkonini ham beradi.
