Човушўғли: Ғарбнинг Россияни қўрқитишга уриниши ақлга сиғмайди

Жаҳон 18 Август 2016 19328

Туркия ташқи ишлар вазири Мавлуд Човушўғлининг баёнот беришича, ғарб мамлакатларининг Россия президенти Владимир Путинни ёқтирмасликларининг бош сабаби, унинг ростгўйлигидир. Путин ҳам Туркия президенти Эрдўған каби бор ҳақиқатни, қилган хатолари ва нотўғри тахминларини уларнинг юзига рўй-рост гапиради. 

“Улар, Россия ва Туркияни иккинчи навли мамлакатлар деб ҳисоблашади. Ва шу боис, қандай қилиб, "бу каби мамлакатлар" уларни танқид қилиши мумкин? Уларнинг фикрича, фақатгина улар ҳар қандай гапни юзга айтишга ҳақли, бошқалар эмас. Ғарб давлатлари Эрдўған ва Путиннинг ростгўйлигига дуч келишгач, жиддий хавотир ва ташвишга тушиб қолишди”, деган Човушўғли. 

Туркия ташқи ишлар вазирининг сўзларига кўра, токи ғарб мамлакатлари ўзларининг қараши ва сиёсатини ўзгартирмас экан, улар доимо шундай хавотирни ҳис қилишда давом этишади. Туркия ва Россия Ғарб учун бош оғриғи бўлаверишини улар англаб етишлари лозим. 

“Мен аввалдан айтиб келаман, яна такрорлайман: буюк Россия учун бундай муносабатда бўлиш ҳақиқатга мос келмайди ва ақлсизликдир. Россияни қўрқитиш, камситишга уриниш, унинг ҳамиятига тегиш, уни менсимаслик билан улар ҳеч нарса эришолмаслиги аниқ. Айни гапни Туркия борасида ҳам айтиш мумкин. 

Сочи Олимпиадасини ёдга олайлик. Сочи-2014 қишки Олимпия ўйинларидек йирик спорт байрамида топган мавзулари жинсий қараши ўзгарганларнинг ҳуқуқини таъминлаш бўлди. Ахир, Россия каби йирик ва улкан давлатнинг эътиборини биргина масалага қаратиш, Россия шаънига мос келмаслигини  тушунишмайдими?! Майли, бу мавзуда чуқурлашишни истамайман. Фақат бир нарсани айтмоқчиман, ҳар қандай мамлакат билан муносабатлар шу каби тор доирага боғлиқ қилинар экан, у ҳеч қандай ижобий натижа бермайди”, - деган Туркия ташқи ишлар вазири Мавлуд Човушўғли Sputnik Туркия агентлигига берган интервьюсида. 


 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 33393 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 71333 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10124 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 134662 Жамият
Барча замонларнинг энг яхши қора танли спортчилари рўйхати тузилди
23:56 / 19.08.2017 11 Спорт
АПЛ. «Арсенал» мағлубиятга учради
23:50 / 19.08.2017 9 Спорт
Месси ҳам «Барселона»ни тарк этиши мумкин
23:30 / 19.08.2017 1803 Спорт
Эрдўған Германия ички ишлар вазирига “жойини билишни” маслаҳат қилди
23:17 / 19.08.2017 1156 Жаҳон
ОАВ: Барселонада портловчи моддалар ортилган фургонлар орқали учта нуқтада ҳужум режалаштирилганди
22:30 / 19.08.2017 1204 Жаҳон
«Суперкамбэк». Денисов 3 ойлик танаффусдан кейин сафга қайтган ўйинда «Локомотив» қаҳрамонлик кўрсатди
22:20 / 19.08.2017 2806 Спорт
Кўпроқ янгиликлар