Yaponiya bosh vaziri Sindzo Abe shu yilning sentabr oyida Kubaga safar qilishi mumkin, deb xabar qilmoqda Kyodo agentligi mamlakat hukumatidagi manbasiga asoslangan holda.
Agar ushbu tashrif amalga oshsa, Abe Yaponiyaning Kubaga kelgan birinchi bosh vaziri bo‘ladi. Ehtimol, Abe shu yilning sentabr oyida BMT Bosh assambleyasi yig‘ilishiga borar ekan, bu imkoniyatdan foydalanishi mumkin.
Yaponiya va Kuba hukumatlari o‘rtasidagi muzokaralarda ikki tomonlama munosabatlarni mustahkamlash yo‘llari va yapon kompaniyalarining Ozodlik orolidagi sarmoyaviy faoliyatini kengaytirish masalalari muhokama etiladi.
Eslatib o‘tamiz, 2015-yil mayida Kubaga tashrif buyurgan Fumio Kisida Yaponiyaning ushbu davlatga kelgan ilk tashqi ishlar vaziri bo‘lgan edi.
