Эрон мудофаа вазири Ҳусайн Деҳқоннинг баёнот беришича, Россия ҳарбий бомбардимончи самолётлари Сурия ҳукуматининг илтимосига кўра Ҳамадондаги авиабазада қабул қилинмоқда, деб хабар қилган Tasnim агентлиги.

Вазирнинг сўзларига кўра, Ҳамадон авиабазасининг Россия ҳарбий космик кучлари ихтиёрига берилиши терроризмга қарши курашда ўзаро ҳамкорлик доирасида амалга оширилмоқда. 

Деҳқоннинг қайд этишича, ЭИР раҳбарияти Сурия ҳукуматининг илтимоси билан шундай қарор қабул қилган. 

Россия ҳарбий космик кучлари Эроннинг Ҳамадон аэродромидан ИШИД ва «Жабҳат ан-Нусра» гуруҳлари эгаллаб турган манзиллар ва иншоотларга зарба беришда фойдаланмоқда.