Kolumbiya hukumati inqilobiy kuchlar bilan sulhga erishdi

Kolumbiya hukumati va Kolumbiya inqilobiy qurolli kuchlari (KIQK) o‘zaro ziddiyatga barham beruvchi tarixiy kelishuvni imzoladi, deb xabar qilmoqda  «Bi-bi-si» telekanali.

«Hukumat va KIQK vakillari bayonotiga ko‘ra, ular barqaror va uzoq hukm suruvchi tinch Kolumbiyani barpo etish uchun yakuniy, har tomonlama chuqur o‘ylangan va so‘nggi kelishuvga erishganlar», — deyiladi xabarda. 

Kolumbiya hukumati delegatsiyasi rahbari Umberto de la Kalle va KIQKning muzokaralardagi bosh vakili Ivan Markes Kuba poytaxti Havanada bo‘lib o‘tgan maxsus anjumanda kelishuvni imzolaganlar.