Rossiya prezidenti Vladimir Putin va Turkiya prezidenti Rajab Toyib Erdo‘g‘an Xitoyda 4-5 sentabr kunlari G20 sammiti vaqtida uchrashishga kelishib oldilar, deb xabar bermoqda Erdo‘g‘an ma'muriyatiga iqtibos keltirgan holda Anadolu axborot agentligi.
Ma'lum qilinishicha, Putin va Erdo‘g‘an Suriyaning Halab shahriga gumanitar yordam yetkazishga kelishib olganlar. Erdo‘g‘an Putinni Suriyadagi operatsiya tafsilotlaridan xabardor qildi va jangarilarga qarshi birgalikda kurashishning muhimligini ta'kidlab o‘tdi.
Ta'kidlanishicha, tomonlar ikki tomonlama munosabatlarni normallashtirishni ham muhokama qilishgan.
