Filippinda jangarilar qamoqxonaga hujum qilib, o‘z boshliqlarini ozod qilishdi

Filippinning Malavi shahrida jangarilar guruhi qamoqxonaga hujum uyushtirib, hibsda saqlanayotgan 28 mahbusni ozod etishdi. Bu haqda mahalliy politsiya ma'lumot bergan.

Ma'lum qilinishicha, Maute tashkilotining 50 nafarga yaqin jangaridan iborat guruhi qamoqxonaga hujum qilib, 1 hafta oldin qamoqqa tashlangan 8 nafar qo‘mondonni olib ketishgan. Vaziyatdan foydalangan yana 20 mahbus qamoqxonadan qochib ketgan.

Hozirda hukumat hodisa bo‘yicha tekshiruv ishlari olib bormoqda.

Birinchi navbatda qamoqxona qo‘riqchilari bosqinchilarga qarshilik ko‘rsatmagani o‘rganiladi. Qayd etilishicha, jangarilarning yetakchilari keltirilgach, muassasani qo‘riqlash xizmati kuchaytirilgandi.