"Туркиялик ҳамкорларни аксилтеррор амалиётларни ўтказишда нишонларни танлашга эҳтиёткорона ёндашиш ҳамда этник гуруҳлар, хусусан суриялик курдлар ва ИШИДга қарши курашаётган мухолифатга зарба бермасликка ундаймиз", - деган Россия ТИВ расмий вакили Мария Захарова.

Унинг сўзларига кўра, "Сурия можаросининг энг даҳшатли кўринишларидан бири этник-диний тозалашлар ҳамда диний таъқиблардир".

Захарованинг қайд этишича, вужудга келган "шароитда, асосан курдлардан иборат Сурия демократик кучлари альянси қўмондонлиги Ракка шаҳрини озод этиш учун ИШИДга қарши курашни ортга суриб, Туркия томонига бурилишга мажбур бўлган".