Misrdagi yirik YTH qurbonlari soni 22 kishiga ko‘paydi. Bu haqida "Al-Balad" portali xabar berdi.
Ma'lum bo‘lishicha, Qohiraning janubi-g‘arbidagi Al-Farafra va Bahariya vohalari o‘rtasidagi trassada mikroavobus qarama-qarshi tomondan kelayotgan pikap bilan to‘qnashib ketgan. Halok bo‘lganlarning aksariyati - qishloq xo‘jaligi ishchilari.
Dastlabki ma'lumotlarga ko‘ra, fojiaga mashinalardan biridagi haydovchi tomonidan tezlikning oshirilishi sabab bo‘lgan.
Misr yo‘llardagi avtohalokatlar bo‘yicha arab mamlakatlari orasida 16-o‘rin va dunyoda 109-o‘rinni egallagan. O‘tgan yili yo‘l-transport hodisalari 6,2 mingdan ortiq kishining hayotiga zomin bo‘ldi va 19,3 ming kishining turli jarohat olishiga olib keldi.