Москванинг Домодедово аэропортида "ВИМ-Авиа" авиакомпанияси йўловчилари бир кундан кўпроқ Ўзбекистоннинг Фарғона шаҳрига учиб кета олмаяптилар. Рейс 6 сентябрь соат 06:00га белгиланган эди, бироқ номаълум сабабга кўра бекор  қилинган, деб ёзмоқда маҳаллий ОАВ.

Барча йўловчиларга самолёт эртасига эрталаб аэропортдан чиқиб кетиши айтилган, бироқ рейс шу куни яна бекор қилинган. Авиакомпанияда самолётнинг уча олмаётганига ундаги носозлик сабаб бўлгани маълум қилинган.   

Бугун аэропортнинг терминалларидан бирида бир неча ўнлаб одам йиғилган. Улар Фарғонага учиб кета олмаяптилар. Авиакомпания йўловчиларга тунаш учун меҳмонхонадан жой ажратганига қарамасдан, улар аэропорт биносида қолишмоқда ва самолётнинг учишини талаб қилишмоқда.

Авиакомпанияда йўловчиларга рейс 8 сентябрь соат 10 да учиши айтилган.