Германиялик теннисчи Ангелика Кербер АҚШ Очиқ чемпионати финалида чехиялик Каролина Плишковани мағлуб этиб, турнирдаги илк чемпионлигини нишонлади.

Нью-Йоркда бўлиб ўтган финал баҳсида турнирга иккинчи ракетка сифатида таснифланган Кербер Плишковани (10-ракетка сифатида сараланган) 2 соату 7 дақиқа давом этган 3 сетлик баҳсда 6:3, 4:6, 6:4 ҳисобларида мағлуб этди.

Ярим финал баҳсида Плишкова жаҳоннинг биринчи рақамли аёл теннисчиси, америкалик Серена Уильямсни енгганди. US Open-2016 якунларига кўра Уильямс WTA рейтингида биринчи ўриндан тушиб кетди, янги етакчи эса Кербер бўлди.

У ярим финалда даниялик Каролина Возняцкини 6:4 ва 6:3 ҳисобларида енгиб, финалга йўл олганди.

Жорий мавсумда 28 ёшли бу теннисчи "Катта дубулға" туркумидаги иккинчи ғалабасига эришди. У қишда Австралия очиқ чемпионатида ҳам ғолиб бўлганди.