Дунёдаги энг баланд осма кўприк - Бэйпаньцзян кўприги Хитойнинг Гуйчжоу вилоятида қуриб битказилди.

570 метр баландликдаги бу кўприк узунлиги 1 минг 314 метр. Хитой томони маълум қилишича, бу рекорд кўрсаткич ҳисобланади.

Қурилиш ишлари 2013 йилда бошланиб, қарийб 150 миллион доллар сарфланди.

Ушбу иншоот Чжэцязн вилоятидаги Ханчжоу ва Юньнань вилоятидаги Жуйли шаҳарларини боғловчи тезюрар йўлнинг бир қисми бўлади.